1998 жылғы 4 қыркүйекте Алматы облысы, Жамбыл ауданы, Сарыбай би ауылында дүниеге келген. Бала кезінен әділет, заңдылық және құқықтық тәртіп мәселелеріне ерекше қызығушылық танытып, бұл ұстаным оның болашақ кәсіби бағытының айқындалуына негіз болды. Жоғары білімін әл-Фараби атындағы Қазақ ұлттық университетінде алды. 2020 жылы аталған университетті «5В030100 – Құқықтану» мамандығы бойынша үздік бітіріп, жоғары білім туралы дипломға ие болды (диплом ЖБ-Б № 0172612). 2022 жылы осы университетте «7М04217 – Құқықтану» білім беру бағдарламасы бойынша магистратураны табысты аяқтап, заң ғылымдары саласындағы академиялық даярлығын тереңдетті (диплом MD № 00018815357). Еңбек жолын 2022 жылы әл-Фараби атындағы ҚазҰУ-дың заң факультетінде бастап, 2022–2025 жылдар аралығында қылмыстық құқық, қылмыстық іс жүргізу және криминалистика кафедрасында оқытушы қызметін атқарды. 2025 жылдан бастап осы кафедрада аға оқытушы лауазымында еңбек етуде. Сонымен қатар заң факультеті деканының жастармен жұмыс жөніндегі орынбасары қызметін атқарып, студент жастардың ғылыми, тәрбиелік және қоғамдық белсенділігін арттыруға елеулі үлес қосты. Ғылыми-зерттеу қызығушылықтары қылмыстық құқық пен қылмыстық процесс, сыбайлас жемқорлыққа қарсы сараптама, криминологиялық зерттеулер және құқық қолдану тәжірибесінің өзекті мәселелерін қамтиды.